Banare

غزل

24.11.2011 13:52

 غزل

مينــــــــــــه مې په زړه باندې درنه راغله
چټه لکه پېغلـــــــــــــــــــــــه پښتنه راغله

پټه مې حجاب کې دايمــــــــــــــــان کړله
ستره مې عزت کې لوپټــــــــــــــــه راغله

چغې د غرور پـــــــــــــــه کې غیرت وهي
غوره پښتنو نه چې ټپــــــــــــــــــــه راغله

خرپ ئې زما د زړه له کبه وکړلـــــــــــــــو
ستا د مينې جــــــــــــوشه چې څپه راغله

خلاصې مې کړې سترګې د دعـا ځولۍ
ښکلې مې په لپــــــــــــو کې کعبه راغله

ښکل ئې په لیمــــو کړې د کابل خاورې
نن چې خپل وطن ته رحيمــــــــــــه راغله
رحيمه پشتونجار

توریالی ساپی 25.11.2011 14:56

د پښتو ژبی آغلی شاعری میرمن پښتونجار ته سلامونه او نیکی هیلی ولاړندی کوم!<br />خوښ یم چی پس له یوی مودی وقفی بیا هم ستاسو ژوندی، له مینی، پاک احساس او معنی څحه ډک شعرونه بیا هم وینم او لولم.<br /> کله چی ستاسو اشعار لولم، ځان لا نور هم انسان او لا نور هم یو ښه پښتون احساسوم...<br /> په پای کی غواړم ووایم: په شاعری، افکارو او مټو مو برکت شه آغلی پښتونجار!<br /> په درنښت<br /> توریالی ساپي،<br /> پاریس

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
د محمدالله ارین احمدزي پاڼه