Banare

د طالب منګل نوی غزل

18.06.2011 07:28

غزل 

ګوتې مې واهه په پرهارونو کې

تويه شي نشه په پرهارونو کې


سستې رڼاګانې چې ناسور نه شي

ښکل مې کړه ډيوه په پرهارونو کې


ښار ته د سندرو زما داغ وجود

راشي جنازه په پرهارونو کې


اوښکې پاڼې،پاڼې په کې وچې دي

اوسي لوپټه په پرهارونو کې


دا د تصويرونو جينکۍ ګوره

ساتي آئينه په پرهارونو کې


هغه يو طالب چې له تا لرې دى

تيره يې شي شپه په پرهارونو کې


طالب منګل


ستاسو تبصره


لطفاً لاندې افغانستان په انګليسي تورو وليکئ.
د محمدالله ارین احمدزي پاڼه