Banare

غزل////ستا په سترګو کې الهام دی د غزلو ـــــــــــــ ستا خندا سمه سندره د بلبلو

05.01.2011 08:21

غزل

محمدالله ارین احمدزی

ستا په سترګو کې الهام دی د غزلو

ستا خندا سمه  سندره د بلبلو

ستا په مینه کې دي ډير څه ما موندلي

ستا سینه کې ده کرکیله بس د ګلو

ستا په مینه زما مین زړګی چې ښاد شي

ستا هر ناز دی د زخمي زړه د پاللو

ستا په کړس خندا کې دومره لوی تاثیر دی

پرې مینځلی شي ډير زړونه د ناولو

ستا په سترګو کې اغیز د مینې ډير دی

دي سرې شونډې دې  پيالې ډکې له مُولو

دا چې زلفې دې پر مخ باندې خورې کړې

نن دې هوډ دی د ارین د ځورولو

محمدتوفيق لایق 09.04.2012 12:25

آرین صاحب ډیر داحساس نه ډک غزل<br /><br />

شهزاد محموم پکتياوال 03.03.2011 04:36

سلامونه او نيکي هيلي <br />ګرانه ارين احمدزي وروره ډير په زړه پوري شعر دي ليکلي دالله ج څخه درته کاميابي غواړم . واله چي دستاشعر مي ډير زيات خوښ شو ډير په زړه پوري شعر وه سم د عشقانو د زړه مرهم وه .<br />شهزاد محموم پکتياوال

اسرار(انور) 07.01.2011 08:40

ډيرمحترم ارين صاحب <br /><br />ماشاالله ښکلي شعر مو ليکلی دی الله دی همت نور هم درکړی چی د ادب دنیا ته د همیش لپاره خذمت وکړي.<br />اسرار(انور)

عبدالصمد صمیم وردګ 06.01.2011 08:33

<p>سلامونه محمدالله ارین احمدزی صیب غزل دی دستایلو وړ ده همیشه کامیابه او سر لوړی اوسﺉ <br />په درنښت ستاسو ورور عبدالصمد صمیم وردګ</p> <hr /> <p><span style="color: #0000ff;">&nbsp;وردګ صیب له مینې مو یوه نړۍ مننه، بریا او سرلوړي مو زما یوازنۍ هیله ده.</span></p> <p><span style="color: #0000ff;">ارین احمدزی&nbsp;</span></p>

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
د محمدالله ارین احمدزي پاڼه